 |
پاکستان میں زیادہ تر لوگ پراپرٹی خریدتے وقت سب سے بڑی غلطی یہ کرتے ہیں کہ وہ “کاغذات” نہیں بلکہ “اعتماد” خرید لیتے ہیں۔
سامنے والا دو دفعہ کہہ دے:
“بھائی جان، میں 20 سال سے اس لائن میں
ہوں”
اور لوگ فوراً مطمئن ہو جاتے ہیں۔
چند مہینے بعد وہی لوگ وکیل ڈھونڈ رہے
ہوتے ہیں، فردیں نکلوا رہے ہوتے ہیں اور عدالتوں کے چکر لگا رہے ہوتے ہیں۔
حقیقت یہ ہے کہ کچہریوں میں آدھے سے
زیادہ پراپرٹی کیس صرف اس لیے بنتے ہیں کیونکہ لوگوں نے بغیر مکمل پڑتال کیے
بیعانہ دے دیا ہوتا ہے۔
کوئی بعد میں کہتا ہے:
“ہمیں کیا پتا تھا زمین disputed نکل آئے گی”
کوئی کہتا ہے:
“ڈیلر نے کہا تھا سب کلیئر ہے”
اور کسی کو بعد میں پتا چلتا ہے کہ جس
شخص سے سودا کیا تھا، زمین اُس کے نام ہی نہیں تھی۔
پراپرٹی میں سب سے خطرناک چیز جلد بازی ہے
ہمارے ہاں ڈیلرز اکثر جذباتی پریشر
بناتے ہیں:
- “سر آج فیصلہ نہ کیا تو کل ریٹ
بڑھ جائے گا”
- “ایک پارٹی اور بیٹھی ہوئی ہے”
- “یہ چیز ہاتھ سے نکل گئی تو
پچھتائیں گے”
بس پھر لوگ جلدی میں بیعانہ دے دیتے
ہیں۔
یاد رکھیں:
پراپرٹی میں جتنی جلدی انسان کرتا ہے،
اتنا ہی بعد میں پھنستا ہے۔
پراپرٹی خریدنے سے پہلے لازمی چیک لسٹ
1. تازہ فرد ضرور نکلوائیں
صرف فوٹو کاپی یا تصویر دیکھ کر مطمئن
نہ ہوں۔
خود
PLRA یا پٹوار آفس جا کر تازہ فرد
نکلوائیں۔
یہ چیزیں لازمی چیک کریں:
- مالک
کا مکمل نام
- CNIC نمبر
- رقبہ
- حصہ
- زمین
کی نوعیت
بعض اوقات بندہ پورا پلاٹ بیچ رہا
ہوتا ہے لیکن ریکارڈ میں اس کا حصہ چند مرلے نکلتا ہے۔
2. انتقال
(Mutation) لازمی
دیکھیں
یہ وہ چیز ہے جو زیادہ تر لوگ ignore کرتے ہیں، حالانکہ آدھا فراڈ یہی ہوتا ہے۔
چیک کریں کہ زمین موجودہ مالک کے نام
آئی کیسے؟
- خریدی
گئی؟
- وراثت
میں ملی؟
- عدالت
کے حکم سے منتقل ہوئی؟
- یا
ابھی proper
transfer ہی نہیں ہوئی؟
اگر انتقال مشکوک ہو تو ڈیل روک دیں۔
3. اگر مالک فوت ہو چکا ہو تو زیادہ احتیاط کریں
پاکستان میں اکثر ایک بھائی پوری
پراپرٹی بیچ دیتا ہے اور باقی بہن بھائیوں کو بعد میں پتا چلتا ہے۔
پھر سیدھا عدالت کا کیس بنتا ہے۔
اس لیے لازمی چیک کریں:
- FRC
- Succession
Certificate
- تمام
قانونی وارثوں کی رضامندی
4. NOC ضرور چیک کریں
بہت لوگ یہ مرحلہ چھوڑ دیتے ہیں۔
بعد میں پتا چلتا ہے:
- پلاٹ
بینک میں گروی تھا
- عدالت
کا سٹے لگا ہوا تھا
- پہلے
کسی اور کے ساتھ ایگریمنٹ ہو چکا تھا
پاکستان میں ایک ہی پلاٹ دو لوگوں کو
بیچ دینا کوئی نئی بات نہیں۔
5. سوسائٹی کی خوبصورت مارکیٹنگ سے متاثر نہ ہوں
بہت سی ہاؤسنگ سوسائٹیاں پہلے اشتہار
بناتی ہیں، زمین بعد میں ڈھونڈتی ہیں۔
اگر سوسائٹی میں پراپرٹی لے رہے ہیں
تو لازمی چیک کریں:
- NOC
- Approval
Status
- Development
Status
- زمین
واقعی موجود ہے یا صرف فائلیں چل رہی ہیں
“فائل چل رہی ہے” والے جملے پر کبھی آنکھ بند کر کے یقین نہ
کریں۔
6. پاور آف اٹارنی والے معاملات میں خاص احتیاط کریں
اگر اصل مالک سامنے نہیں اور کوئی
مختار بن کر بیٹھا ہے تو
verification ضرور کریں۔
ورنہ بعد میں پتا چلتا ہے:
- پاور
آف اٹارنی جعلی تھی
- یا
پاور دینے والا شخص فوت ہو چکا تھا
اور پھر پوری ڈیل خطرے میں پڑ جاتی
ہے۔
کیا پراپرٹی خریدتے وقت وکیل کی خدمات لینی چاہئیں؟
مختصر جواب:
“ہاں، ضرور”
لوگ کروڑوں کی پراپرٹی خریدتے وقت چند
ہزار روپے وکیل کی فیس بچانے کی کوشش کرتے ہیں۔
پھر وہی لوگ بعد میں سالوں عدالتوں
میں لاکھوں روپے خرچ کرتے ہیں۔
ایک اچھا ریونیو یا پراپرٹی لائر بعض
اوقات آدھے گھنٹے میں وہ خطرہ پکڑ لیتا ہے جو عام آدمی کو دو سال بعد سمجھ آتا ہے۔
وکیل کی فیس کتنی ہوتی ہے؟
یہ شہر، پراپرٹی کی ویلیو اور وکیل کے
تجربے پر depend کرتی ہے، لیکن عام طور پر:
- Document
Verification: 10,000 سے
50,000 روپے
- مکمل Legal Due Diligence: اس سے زیادہ بھی ہو سکتی ہے
لیکن یہ خرچہ اُس نقصان کے مقابلے میں
کچھ بھی نہیں جو ایک غلط ڈیل کروا سکتی ہے۔
آخری بات
اگر کبھی کوئی پراپرٹی “ضرورت سے
زیادہ سستی” لگے تو خوش ہونے سے پہلے تھوڑا ڈر جائیں۔
کیونکہ پاکستان میں سستی پراپرٹی اکثر
بعد میں بہت مہنگی پڑتی ہے۔
پراپرٹی میں نقصان اکثر قسمت نہیں
کرواتی…
بلکہ:
- جلد
بازی
- لالچ
- اور
لاپرواہی
کرواتی ہے۔